Vil du vere pilegrim langsmed kysten vår?

Nøkkelstaden Kvernsteinsparken i Hyllestad er eit friluftsmuseum under Musea i Sogn og Fjordane. Museumsområdet utgjer ein liten del av det historiske steinbrotslandskapet på Myklebust, like ved dagens administrative sentrum i Hyllestad kommune, og har i hovudoppgåve å formidle den historiske bergverksdrifta i regionen for ålmenta. Hovudfokuset er tillagd kvernsteinsproduksjon, men også steinkrossane er sentrale i formidlinga.

Frå nøkkelstaden er det 11 km til pilegrimshostellet Sognhostel på Salbu. Reisande med bil eller sykkel bør vurdere ein tur opp majestetiske Lifjellet, samt nytte høvet til å vitje Korssund på veg vidare nordover.